كثير من الأمهات يتحمسون ليوم التصوير، خصوصًا إذا كانت أول جلسة لأطفالهم. الحماس حلو، بس أحيانًا بعض التصرفات البسيطة تأثر على مزاج الطفل، أو تخلّي الصور تطلع أقل من المتوقع. في استوديو بيكتوريا – Pictoria Studio نحب نساعد كل أم تعيش تجربة مريحة ونتيجة تفرّحها، فعشان جذي جمعنا لك أبرز الأخطاء اللي نحب نتفاداها مع بعض.
أكثر الأخطاء اللي نشوفها خلال الجلسات:
الضغط على الطفل: بعض الأمهات يحاولون يخلون الطفل يبتسم بالقوة أو يتصرف بطريقة معينة. الطفل يحس بالضغط، وهذا يبين بالصور.
تغيير ملابس كثيرة: كل ما كثرنا التبديل، كل ما زاد التوتر. خصوصًا لو الطفل صغير ويضايقه اللبس أو الجو.
القلق الزايد: الأم اللي تكون مشدودة تقلق الطفل، حتى لو ما قالت شي. الطفل يلقط المشاعر بسرعة!
التأخير عن الموعد: هذا يخرب مزاج الطفل، ويأثر على جودة الإضاءة (خصوصًا لو الجلسة خارجية).
نسيان الأساسيات: مثل الحفاظ، سناك خفيف، لعبته المفضلة، أو حتى شرب الماء.
شنو نسوي بدال هالشي؟
نخلي الطفل على راحته، ونوثق عفويته بدون ضغط.
نحضّر لبسين أو ثلاث بالكثير، ويكونوا مريحين.
نخلي الجو ممتع، نضحك ونلعب قبل لا نبدأ التصوير.
نجهز كل شي قبل الجلسة، ونوصل قبل الموعد بـ10 دقايق على الأقل.
